ائمہ اربعہ کی تقلید کا مطلب جانوروں کے گلے کا پٹہ ہے

وسوسه = لفظ تقلید قلاده سے هے جوصرف جانور کے گلے میں باندها جاتا هے ، لهذا جو لوگ ائمہ اربعہ کی تقلید کرتے هیں وه بهی جانوروں کی طرح ائمہ کا قلاده اپنے گلے میں ڈال دیتے هیں ۰

جواب = لفظ قلاده لغت عرب کی روسے صرف جانور کے ساتهہ خاص نہیں هے ، بلکہ اگرجانورکے لیئے لفظ قلاده استعمال هوتو رسی اورپٹہ کے معنی میں آتا هے ، اور لفظ قلاده جب انسان کے لیئے استعمال هوتو اس کا معنی هار هوتا هے ، اورایک عامی یاعالم اجتهاد سے عاجز شخص فروعی واجتهادی مسائل میں ایک امام مجتهد کی راهنمائ وعقیدت کا هار پہنتا هے تواس کے اس عمل کو تقلید کہاجاتا هے ، اورتقلید وقلاده کا لفظ چونکہ صرف حیوان کے ساتهہ خاص نہیں هے بلکہ انسان کے لیئے بهی استعمال هوتا هےتواس میں کوئ عیب وتوهین نہیں هے ، حتی کہ ایک مشہور صحابیہ هیں حضرت أمية بنت قيس الغفارية رضی الله عنها یہ (صاحبة القلادة) کے لقب سے مشہور هیں ، هجرت کے بعد مسلمان هوئ اور آپ صلی الله علیہ وسلم سے شرف بیعت ان کوحاصل هوا اورغزوه خیبرمیں دیگرصحابیات کے ساتهہ شریک هوئ ، اسی واقعہ میں حضرت أمية بنت قيس الغفارية رضی الله عنها کو آپ صلی الله علیہ وسلم ایک هار دیا تها جوان کے گلے میں مرتے دم تک لٹکا رها یہاں تک کہ وه فوت هوگئ اور یہ وصیت کی یہ هار ان کے ساتهہ دفن کیا جائے الخ 

اور اس حدیث میں هار کے لیئے قلاده کا لفظ استعمال هوا هے ، جس سے یہ معلوم هوا کہ قلاده کا لفظ صرف حیوان کے ساتهہ خاص نہیں هے ، جیساکہ 

لفظ اتباع قرآن وسنت اور الله ورسول کی پیروی کے ساتهہ خاص نہیں هے ،

بلکہ لفظ اتباع نفس وشیطان وخواهشات وکفار وگمراه لوگوں کی پیروی کرنے کےلیئے بهی استعمال هوا هے ، 

روایت کے الفاظ درج ذیل هیں جس میں قلاده کا لفظ هار کے معنی میں استعمال هوا هے ، 

وأخذ هذه القلادة التي ترين في عنقي فأعطانيها وعلقها بيده في عنقي فوالله لا تفارقني أبدا . قالت فكانت في عنقها حتى ماتت ثم أوصت أن تدفن معها . الخ ۰ (الروض الأنف الجزء الرابع

اور اسی طرح کئ احادیث میں لفظ تقلید اور اس کے مشتقات انسان کے حق میں استعمال هوئے هیں ، مثال کے طور پر بخاری شریف کی روایت میں هے 

فتلقاهم النبي صلى الله عليه وسلم على فرس لأبى طلحة عرى وهومتقلد سيفه فقال لم تراعوا لم تراعوا ( ج 1 ص 427 )

اسى طرح ترمذى كى ايک روايت میں هے 

وإذا بلال متقلد سيفه الخ

اس حدیث میں حضرت بلال رضی الله عنہ کے لیئے اورگذشتہ حدیث میں آپ صلى الله عليه وسلم کے لیئے یہ لفظ استعمال هوا هے ، کیا کوئ ذی عقل اور هوش مند اس میں گستاخی کا پہلونکال سکتا هے ؟؟

حاصل کلام یہ هے کہ یہ وسوسہ بالکل باطل هے کہ تقلید اور قلاده اور اس کے هم مثل الفاظ جانوروں کے لیئے هی استعمال هوتے هیں ، 

اورتمام ائمہ لغت بهی اس لفظ کو جانوروں کے ساتهہ مخصوص نہیں سمجهتے 

تاج العروس شرح قاموس میں هے 

( وقلدتها قلادة ) بالكسروقلادا بحذف الهاء ( جعلتها فى عنقها ) فتقلدت ( ومنه )

التقليد فى الدين ( ج 4 ص 475 )

ان شاء الله مذکوره بالا تفصیل سے یہ وسوسہ باطل هوگیا کہ لفظ تقلید وقلاده توجانوروں کے استعمال هوتا هے ، باقی تقلید سے متعلق دیگر تفاصیل کے لیئے اس باب میں مفصل کتب کی رجوع کریں ، جن میں سب سے بہترین کتاب میری نظرمیں اردو زبان میں امام اهل سنت حضرت شیخ الحدیث سرفرازخان صفدر رحمہ الله کی کتاب (( الکلام المفید فی اثبات التقلید)) هے ، اوراسی طرح وکیل احناف استاذالمحدثین مناظراهل سنت حضرت العلامہ امین صفدر اوکاڑوی رحمہ الله کی کتاب (( تحقیق مسئلہ تقلید)) اس باب میں بہت مفید هے ۰